Zelenskiy va Putin telefon muloqoti o‘tkazishi mumkin
Ukraina prezidenti Volodimir Zelenskiy 5 yildan ortiq vaqt ichida ilk bor Rossiya prezidenti Vladimir Putin bilan telefon orqali muloqot qilishi mumkin. Bu haqda Zamin.uz xabar berdi.
Bu haqda muzokaralardan xabardor manba ma’lumotiga tayanib, Fox News xabar berdi. Manbaning ma’lum qilishicha, urush olib borayotgan ikki davlat rahbarlari o‘rtasida to‘g‘ridan-to‘g‘ri aloqa tashkil etilishi AQSH prezidenti uchun diplomatik yutuq sifatida baholanadi.
Fox News manbasi fikriga ko‘ra, bu Tramp va Zelenskiy o‘rtasidagi avvalgi muzokaralar natijalariga asoslanib aytilmoqda. Ma’lum bo‘lishicha, Rossiya va Ukraina prezidentlari oxirgi marta 2020-yil iyul oyida muloqot qilishgan.
O‘sha paytda Kiyev Belarusga "Vagner" xususiy harbiy kompaniyasiga aloqador yollanma jangchilarni olib borish uchun maxsus operatsiya o‘tkazgan edi. Shundan so‘ng Zelenskiy bir necha bor telefon orqali Putin bilan bog‘lanishga uringan, ammo Putin bu takliflarni rad etgan.
Shuningdek, Zelenskiy 28-dekabr kuni AQSH prezidenti Donald Tramp bilan uchrashuv o‘tkazgan. Tramp uchrashuv davomida tinchlik rejasi bandlarining 95 foizi bo‘yicha kelishuvga erishilganini qayd etdi, ammo Donbass masalasi hanuzgacha hal qilinmaganini ta’kidlab o‘tdi.
Tramp, shuningdek, Rossiyaning Ukrainani qayta tiklashda yordam berishi mumkinligini ham bildirgan.
