PlayStation 6 va yangi Xbox taqdimoti kechikishi mumkin
Insider Gaming ma’lumotlariga ko‘ra, PlayStation 6 va yangi Xbox konsollari taqdimoti kechikishi mumkin. Bu haqda Zamin.uz xabar berdi.
Bunga operativ xotira bozoridagi taqchillik va narxlarning oshishi sabab bo‘lishi aytilmoqda. Ushbu muammo sun’iy intellekt infratuzilmasiga bo‘lgan talabning keskin oshgani tufayli yuzaga kelgan.
Avvaliga yangi avlod konsollari 2027–2028 yillarda taqdim etilishi rejalashtirilgan edi. Bu haqda kursiv.uz xabar beradi.
Shuningdek, muammo faqat kelajakdagi konsollar bilan cheklanmaydi. Nashrning qayd etishicha, hozirgi avlod konsollari — PlayStation 5 va Xbox Series X|S modellari ham kutilganidek arzonlashmasligi mumkin.
Aksincha, 2026 yilga kelib ularning narxi oshishi ehtimoli bor. Bunga sabab chip ishlab chiqaruvchilar va yetkazib beruvchilar asosan sun’iy intellekt serverlari uchun zarur komponentlarga ustuvorlik bermoqda.
Natijada o‘yin sanoati uchun arzon va yetarli detallarni topish qiyinlashmoqda. Platforma egalari narxlarni haddan tashqari oshirib yubormaslik uchun yangi konsollar taqdimotini keyinga surish variantini ko‘rib chiqmoqda.
Yakuniy qaror ishlab chiqarish zavodlarining quvvatini tezda kengaytira olishiga bog‘liq bo‘ladi. Aks holda, yaqin yillarda o‘yin uskunalari narxlari oshishda davom etishi mumkin.
