Israir Airlines Toshkentga parvozlarni ko‘paytiradi
Israir Airlines aviakompaniyasi 2026 yil yozgi mavsumida Toshkentga parvozlar sonini oshirishni rejalashtirmoqda. Bu haqda Zamin.uz xabar berdi.
Rejaga ko‘ra, mazkur yo‘nalishda haftasiga to‘rt marta qatnov amalga oshiriladi. Bu haqda kursiv.uz xabar berdi.
Bundan tashqari, kelasi yilning may oyidan boshlab aviakompaniya Italiyadagi Bari va Bolonya shaharlariga haftasiga ikki marta reyslar yo‘lga qo‘yishni ko‘zlamoqda. Shuningdek, Dyusseldorf yo‘nalishi ham jadvalga kiritiladi.
2026 yilning aprel oyidan boshlab esa Krit orolidagi Iraklion shahriga parvozlar yo‘lga qo‘yiladi va haftasiga olti martagacha oshirilishi rejalashtirilgan. Israir Airlines ommabop yo‘nalishlardagi qatnovlarini ham davom ettiradi.
Xususan, Afinaga haftasiga 14–15 marta, Budapeshtga 15 marta, Batumiga esa 16–18 marta parvozlar amalga oshiriladi. Aviakompaniya Saloniki, Pafos, Korfu, Rodos, London, Praga, Verona, Neapol, Zaltsburg, Vena va Rim kabi yo‘nalishlarda ham qatnovlarni davom ettirishni rejalashtirgan.
