Qirg‘izistonning O‘zbekiston bilan chegarasida joylashgan “Do‘stlik” nazorat-o‘tkazish punktida balandligi 45 metr bo‘lgan bayroq ustuni o‘rnatildi. Bu haqda Zamin.uz xabar berdi.
Ushbu hududda obodonlashtirish ishlari ham amalga oshirilgan. Bu haqda O‘sh shahri hokimiyati ma’lum qildi.
Loyiha O‘sh shahri meri Jenishbek Toktorbaev tashabbusi bilan amalga oshirilgan. Dushanba kuni bayroq ustuniga Qirg‘iziston davlat bayrog‘i ko‘tarildi.
Marosimda shahar hokimi, shahar kengashi raisi Bolot Baetov, deputatlar hamda qo‘shni davlatlarning konsullari ishtirok etdi. Tadbir davomida nazorat-o‘tkazish punktidagi infratuzilma yaxshilandi va hudud tartibga keltirildi.
Ushbu loyiha chegara hududida do‘stlik va hamkorlikni mustahkamlash maqsadida amalga oshirilgan.
