Suriyada banknotalarda siyosiy portretlar o‘rniga ramzlar aks etadi
Suriyada banknotalarda yangi dizayn joriy etilmoqda. Bu haqda Zamin.uz xabar berdi.
Endilikda pul qog‘ozlaridan sobiq prezident Bashar Asad va uning oilasi tasvirlari olib tashlanadi. Bu haqda Suriya rasmiy axborot agentligi SANA xabar berdi.
Ma’lum qilinishicha, Suriya prezidenti Ahmad ash-Sharaa yangi dizayndagi banknotalarni taqdim etgan. Ushbu banknotalar 2024 yil dekabr oyida muomaladan chiqariladigan eski pullarni almashtiradi.
Avval 2000 Suriya funtlik banknotada Bashar Asadning, 1000 funtlik kupyurada esa uning otasi Hofiz Asadning portretlari bo‘lgan edi. Yangi banknotalar 2024 yil 1 yanvardan muomalaga chiqarilishi rejalashtirilgan.
Ular 10 funtdan 500 funtgacha bo‘lgan qiymatdagi pul qog‘ozlarini o‘z ichiga oladi. Endi yangi banknotalarda siyosiy shaxslarning portretlari o‘rniga milliy ramzlar tasvirlanadi.
Masalan, Damashq atirgullari, bug‘doy boshoqlari, zaytun, apelsin va boshqa milliy ramzlar aks etadi. Rasmiylarning ta’kidlashicha, mazkur o‘zgarish mamlakatda yangi siyosiy davrni boshlab berish va milliy birlikni mustahkamlash maqsadida amalga oshirilmoqda.
Shu orqali yangilanish va milliy birdamlik ramzi yaratish ko‘zda tutilgan.
