Chanel oddiy kalishlarni moda brendiga aylantirdi
Chanel brendi o‘zbeklarga yaxshi tanish bo‘lgan kalishlarni o‘z kolleksiyasiga kiritgani haqida internetda tarqalgan xabarlar jamoatchilik orasida katta qiziqish uyg‘otdi. Bu haqda Zamin.uz xabar berdi.
Dastlab, bu yangilik ko‘pchilikka hazildek tuyuldi. Ammo suratlarga diqqat bilan qaralsa, bolalikdan barchamizga tanish bo‘lgan o‘sha oddiy kalishlar ekanini ko‘rish mumkin.
Chanel bu poyabzalni “laklangan loferlar” deb nomlagan. Dizayni zamonaviy ko‘rinishda, moda talablariga muvofiq bezatilgan va premium maqomga ega.
Uning narxi esa oddiy kalishlardan ancha yuqori. Jahon brendi tomonidan taqdim etilgan ushbu mahsulot moda olamida o‘ziga xos o‘rin egalladi.
Eng qiziq tomoni shundaki, O‘zbekistonda bu turdagi kalishlarni juda arzon narxda topish mumkin. Biroq, Chanel uni butunlay boshqa yondashuv va maqom bilan taqdim etmoqda.
Bu holat shuni ko‘rsatadiki, ajdodlarimiz qulaylik va uslubni qadimdan anglagan. Moda esa ba’zan yangi narsalarni emas, balki allaqachon mavjud bo‘lgan qadriyatlarni qayta kashf etishdan iborat ekanini yana bir bor isbotlaydi.
