Xitoyning Szyansi provinsiyasida yashovchi 26 yoshli Pen Kongkong biologik ota-onasi bilan uchrashganidan bir yil o‘tib, 2025-yilni o‘zining "qayta tug‘ilish yili" deb atadi. Bu haqda Zamin.uz xabar berdi.
Bu haqda China Morning Post xabar berdi. Penning taqdiri to‘rt yoshida fojiali burilish oldi.
U Pekin bozorida o‘g‘irlab ketilgan va begona oilada tarbiyalangan. Haqiqiy ota-onasi haqida hech qanday ma’lumotga ega bo‘lmagan Pen 21 yil davomida o‘z oilasidan uzoqda yashadi.
Ammo ulg‘ayganida u oilasini topishga qat’iy qaror qildi. Shu maqsadda u o‘zining uyi va mashinasini sotib, qidiruv ishlarini boshladi.
2024-yil dekabr oyida politsiya DNK testi orqali uning haqiqiy oilasini aniqladi va Penni Pekinga olib borib, qarindoshlari bilan uchrashtirdi. U ushbu uchrashuvdan so‘ng, o‘zining avvalgi hayoti bilan bog‘liq barcha aloqalarni uzdi.
"Bu narsalar menga tegishli emas. Ularni ortda qoldirishni tanladim," - dedi Pen.
O‘z qishlog‘iga qaytganida uni katta tantana bilan kutib olishdi. Mahalliy aholi mushakbozlik qildi, qarindoshlari esa unga sovg‘alar va qizil konvertlar taqdim etdi.
Pen o‘z his-tuyg‘ularini shunday izohladi: "Haqiqiy uy degani shu – ota-onamning g‘amxo‘rligi, opa-singillarimning mehr-muhabbati va qarindoshlarimning duolari bilan o‘zimni haqiqatan ham daxldor his qilyapman." Hozirda Pen o‘zini boshqa yo‘qolgan insonlarga yordam berishga bag‘ishlagan. U Baby Come Home tashkiloti faoliyatida ishtirok etib, uydan uzoqlashganlarni oilalari bilan qayta birlashtirishga hissa qo‘shmoqda.
Shu bilan birga, u ota-onasi bilan yo‘qotilgan yillarning o‘rnini to‘ldirishga harakat qilmoqda va ularni turli joylarga sayohatlarga olib bormoqda.
