Daniya an’anaviy pochta xizmatlarini to‘xtatdi

Daniya dunyoda birinchi bo‘lib an’anaviy pochta xizmatlarini to‘xtatgan davlatga aylandi. Bu haqda Zamin.uz xabar berdi.

Mamlakatda qog‘oz xatlar yetkazib berish amaliyoti 2025-yil 30-dekabr kuni rasman yakunlandi. Bu haqida turli manbalarda xabar berildi.

Daniya davlat pochta xizmati – PostNord – qariyb 400 yil davom etgan faoliyatini tugatdi. Ushbu qarorning asosiy sababi raqamli texnologiyalarning jadal rivojlanishidir.

Endilikda mamlakatda an’anaviy qog‘oz xatlar yetkazib berilmaydi. Statistik ma’lumotlarga ko‘ra, 2024-yilda Daniya pochta xizmati 2000-yilga nisbatan 90 foizga kamroq xat yetkazgan.

Taqqoslash uchun, AQShda ham xat yetkazish hajmi 2006-yilga nisbatan 2024-yilda 50 foizga qisqargan. Shuningdek, Daniyada joylashgan 1500 ta pochta qutisi olib tashlangan va ular sotuvga chiqarilgan.

Sotuvdan tushgan mablag‘lar xayriya maqsadlariga yo‘naltirilgani ma’lum qilingan. Bu o‘zgarishlar davlatning raqamli texnologiyalarga o‘tish yo‘lidagi muhim qadami sifatida baholanmoqda.