Turkiyada kuchli qor sabab 48 viloyatda maktablar yopildi
Turkiyada kuchli qor yog‘ishi va noqulay ob-havo sharoiti sababli mamlakatning 48 ta viloyatida maktablar vaqtincha yopildi. Bu haqda Zamin.uz xabar berdi.
Bu haqda mahalliy hokimiyat vakillari rasmiy ravishda xabar berdi. 2-yanvar kuni Usmoniya, Sakarya, Kodjayeli va Koniya viloyatlarining ayrim hududlarida, shuningdek, Istanbulning Shishli, Sariyer va Beykoz tumanlarida ta’lim muassasalari faoliyati to‘xtatildi.
Kuchli qor yog‘ishi nafaqat o‘quv jarayoniga, balki umumiy xavfsizlikka ham jiddiy ta’sir ko‘rsatmoqda. Diyorbakir, Kastamonu va boshqa hududlarda qor ko‘chkisi xavfi yuzasidan rasmiy ogohlantirishlar berilgan.
Eng og‘ir vaziyat Artvin viloyatida kuzatildi. U yerda olti nafar cho‘pon qor ko‘chkisi ostida qolib ketdi.
Qutqaruv ishlari davomida uch nafar cho‘pon omon qoldi, ikki nafari halok bo‘ldi. Yana bir kishini qidirish ishlari ob-havoning keskin yomonlashgani sababli vaqtincha to‘xtatildi.
Mahalliy hokimiyatlar fuqarolarni ehtiyot bo‘lishga va zarurat bo‘lmaganda tashqariga chiqmaslikka chaqirmoqda. Shu bilan birga, qutqaruv xizmatlari favqulodda vaziyatlarga tayyor holatda ish olib bormoqda.
