Turkiyalik ayol Trampni otalikda ayblab sudga berdi

Turkiyaning Anqara shahrida yashovchi 55 yoshli Nejla Ozmen AQSHning sobiq prezidenti Donald Tramp uning biologik otasi ekanini da’vo qilib, sudga murojaat qildi. Bu haqda Zamin.uz xabar berdi.

Bu haqda Turkiya ommaviy axborot vositalari xabar berdi. Ma’lumotlarga ko‘ra, Nejla Ozmen 2025 yil 25 sentyabr kuni Anqaradagi 27-oilaviy sudga otalikni aniqlash bo‘yicha ariza topshirgan.

Biroq sud 10 oktyabr kuni da’voni rad etgan. Sud qarorida Trampning biologik ota ekanini tasdiqlovchi yetarli va ishonchli dalillar taqdim etilmaganligi qayd etilgan.

Mazkur qarordan norozi bo‘lgan Nejla Ozmen ishni apellyatsiya tartibida ko‘rib chiqishni so‘ragan. Bundan tashqari, u AQSH elchixonasi va Amerikaning sud organlariga ham murojaat qilganini bildirgan.

Nejla Ozmenning so‘zlariga ko‘ra, u 1970 yilda tug‘ilgan va rasmiy hujjatlarda Sati va Dursun Ozmenning qizi sifatida qayd etilgan. 2017 yilda esa onasi unga asl haqiqatni ochib bergan va uning otasi Donald Tramp ekanini aytgan.

Shundan so‘ng, Ozmen DNK ekspertizasi o‘tkazilishini talab qilmoqda. Nejla Ozmenning ta’kidlashicha, u Tramp bilan shaxsan uchrashishni istaydi va faqat otalik masalasiga oydinlik kiritishni xohlaydi.