Mexikodagi zilzilada 12 kishi jarohatlandi
Meksika poytaxti Mexiko shahrida yuz bergan zilzila natijasida 12 nafar fuqaro turli darajada jarohat oldi. Bu haqda Zamin.uz xabar berdi.
Bu haqda shahar meri Klara Brugada rasmiy bayonot berdi. Ma’lum qilinishicha, zilzila sodir bo‘lgach, favqulodda holatlar bo‘yicha javob berish protokoli darhol ishga tushirilgan.
Ushbu jarayon davomida 12 kishi jarohatlangani qayd etilgan. Shuningdek, shahar hududida beshta elektr ustuni va to‘rtta daraxt qulab tushgani aniqlangan.
Elektr ta’minotidagi uzilishlar bo‘yicha esa jami 18 ta murojaat ro‘yxatga olingan. Shahar rahbari ma’lum qilishicha, hozirda zilzila oqibatlarini bartaraf etish va baholash ishlari davom etmoqda.
Xususan, turar-joy binolari, ma’muriy inshootlar hamda muhim infratuzilma obyektlari holati sinchkovlik bilan tekshirilmoqda. Mutasaddi tashkilotlar zilzila oqibatlarini imkon qadar tezkorlik bilan bartaraf etishga harakat qilmoqda.
