Maduro va rafiqasiga AQShda rasmiy ayblov qo‘yildi
AQSh Bosh prokurori Pamela Bondi Nikolas Maduro va uning rafiqasi Siliya Floresga nisbatan rasmiy ayblovlar e’lon qilinganini ma’lum qildi. Bu haqda Zamin.uz xabar berdi.
Bu haqda kursiv.uz xabar berdi. Ma’lumotlarga ko‘ra, Venesuela prezidenti Nikolas Maduro “narkoterrorizm maqsadidagi fitna”da ishtirok etish, kokainni AQSh hududiga olib kirishni uyushtirish, shuningdek, AQShga qarshi qo‘llanishi mumkin bo‘lgan qurollar va portlovchi moddalarni saqlashda ayblanmoqda.
Ushbu ish Nyu-York shtatining Janubiy okrugi sudida ko‘rib chiqiladi. Pamela Bondi o‘z bayonotida Maduro va uning rafiqasi “yaqin orada AQSh hududida amerika sudlari oldida javob beradi”, deya ta’kidladi.
Shuningdek, u AQSh prezidentiga Venesuela yetakchisi va uning turmush o‘rtog‘ini javobgarlikka tortish tashabbusi uchun minnatdorchilik bildirdi. Bondi, shuningdek, ularni qo‘lga olish bo‘yicha operatsiyada ishtirok etgan AQSh harbiylariga ham o‘z minnatdorligini izhor etdi.
Mazkur voqea xalqaro hamjamiyatda katta e’tibor qozonmoqda. AQShning bu harakati Venesuela hukumati bilan keskin munosabatlar fonida amalga oshirilayotgani qayd etilmoqda.
