Maduro AQShga olib ketildi, qurbonlar bor
Venesuela prezidenti Nikolas Maduro AQSh xodimlari tomonidan qo‘lga olinib, sudga tortish maqsadida AQShga olib ketilgani haqida xabar berildi. Bu haqda Zamin.uz xabar berdi.
Vashington esa ushbu voqeadan so‘ng Venesuela hududida qo‘shimcha harbiy harakatlar rejalashtirilmayotganini ma’lum qildi. Bu haqda OAV manbalari xabar bermoqda.
AQSh senatori Mayk Li va Marko Rubio operatsiya haqida fikr bildirar ekan, uning asosiy maqsadi Maduroni hibsga olish bo‘lganini ta’kidladi. Ularning so‘zlariga ko‘ra, harbiy harakatlar faqat operatsiyada ishtirok etgan xodimlarning xavfsizligini ta’minlashga qaratilgan bo‘lib, ushbu harakatlarni kengaytirish yoki davom ettirish rejalashtirilmagan.
"New York Times" nashri Venesuela rasmiylariga tayanib, AQSh zarbalari oqibatida halok bo‘lganlar va jarohatlanganlar borligini xabar qildi. Qurbonlar soni hozircha aniqlashtirilmagan.
AQSh ma’muriyati Maduroning sud oldida javob berishi zarurligini ta’kidlamoqda. Davlat kotibi o‘rinbosari uning jinoyatlari bo‘yicha qonuniy javobgarlikka tortilishi lozimligini qayd etdi.
Shuningdek, ushbu voqealar ortidan bir qator davlatlar va xalqaro tashkilotlar vaziyat yuzasidan o‘z xavotirlarini bildirgani ma’lum qilindi.
