Tramp Venesuelada vaqtinchalik boshqaruvni e’lon qildi
AQSh prezidenti Donald Tramp Venesuela hududida vaqtinchalik boshqaruvni tashkil etish maqsadida ma’muriy korpus shakllantirish jarayoni boshlanganini e’lon qildi. Bu haqda Zamin.uz xabar berdi.
Uning bayonotiga ko‘ra, harbiy amaliyotning faol bosqichi yakunlanganidan so‘ng, vaziyatni barqarorlashtirish ishlari boshlanmoqda. Hozirda fuqarolik vazifalarini bajara oladigan kadrlarni tanlash jarayoni davom etmoqda.
Bu haqda upl.uz xabar berdi. Shuningdek, Tramp Pentagon faoliyatidan qoniqishini bildirgan.
U Venesuela rahbari Nikolas Muduroni hokimiyatdan chetlatish va mamlakat ustidan nazorat o‘rnatish bilan yakunlangan amaliyot muvaffaqiyatli o‘tganini qayd etib, mudofaa vazirligi rahbariyatini tabrikladi. AQSh qurolli kuchlari vazifani yo‘qotishlarsiz bajarishi alohida ta’kidlandi.
Bunday yirik operatsiyalar uchun bu kam uchraydigan holat sifatida baholandi. Mazkur voqealar xalqaro tahlilchilar orasida keng muhokamaga sabab bo‘ldi.
Mutaxassislar bu amaliyotni zamonaviy harbiy strategiya va qaror qabul qilish tizimining samarali namoyishi deb baholamoqda. Asosiy e’tibor qarorlarning tezkor qabul qilinishi va darhol amaliyotga tatbiq etilishiga qaratildi.
Tahlilchilarga ko‘ra, AQSh harbiy tizimi qisqa vaqt ichida global maqsadlarga erishish, xavfni minimal darajaga tushirish va jang maydonida tashabbusni qo‘lga olish qobiliyatini ko‘rsatgan. Venesuela dunyodagi eng yirik tasdiqlangan neft zaxiralariga ega mamlakatlardan biri hisoblanadi.
Bu zaxiralar hajmi 300 milliard barreldan oshiq deb baholanmoqda va Saudiya Arabistonining zaxiralaridan ancha katta ekanligi ta’kidlanmoqda.
