Machado Venesuelada demokratik o‘tish davri boshlandi dedi

Venesuela muxolifati yetakchisi, 2025 yil Tinchlik bo‘yicha Nobel mukofoti sovrindori Mariya Korina Machado prezident Nikolas Maduroning hokimiyatdan chetlatilishini qo‘llab-quvvatladi. Bu haqda Zamin.uz xabar berdi.

U mamlakatda o‘tish davri boshlanganini e’lon qildi. Bu haqda kursiv.uz xabar berdi.

Machado o‘z murojaatida Maduro xalqaro adolat qarshisida javob berishi kerakligini ta’kidladi. U Maduroni Venesuela fuqarolari va boshqa davlatlar aholisi oldidagi jinoyatlar uchun javobgar ekanini aytib o‘tdi.

Shuningdek, u rasmiylar muzokaralardan voz kechganidan so‘ng AQSh o‘z majburiyatlarini bajarib, qonun ustuvorligini ta’minlash yo‘lida harakat qilganini ma’lum qildi. Muxolifat yetakchisi mamlakatning yangi prezidenti sifatida saylangan Edmundo Gonsales Urrutiyaning zudlik bilan lavozimiga kirishishi zarurligini ta’kidladi.

Machado uni Venesuelaning qonuniy rahbari va qurolli kuchlarning oliy bosh qo‘mondoni sifatida tan oldi. Machado Venesueladagi tarafdorlarini tartibni saqlashga va keyingi siyosiy o‘zgarishlarga tayyor bo‘lishga chaqirdi.

Chet elda yashayotgan venesuelaliklardan esa mamlakatdagi demokratik o‘zgarishlarni xalqaro miqyosda faol qo‘llab-quvvatlashni so‘radi. U hozirgi vaziyatni Venesuela uchun hal qiluvchi palla sifatida baholab, hokimiyat almashinuvi demokratik yo‘nalishda amalga oshishiga ishonch bildirdi.