Karibda minglab sayyohlar reyslar bekor bo‘ldi
Venesuelada davom etayotgan siyosiy inqiroz va AQShning Karakasdagi harbiy hamda tinch aholi ob’ektlariga qaratilgan hujumlari natijasida Karib dengizida minglab sayyohlar qolib ketgan. Bu haqda Zamin.uz xabar berdi.
Britaniyaning The Daily Mail nashri xabariga ko‘ra, parvozlarning kechikishi sayyohlar o‘rtasida xavotir va noaniqlikni oshirmoqda. So‘nggi ma’lumotlarga qaraganda, Sent-Tomasdagi Cyril E.
King xalqaro aeroporti 24 soat ichida 43 ta reysni bekor qilgan. Arubadagi Qirolicha Beatriks xalqaro aeroportida 44 ta reys, Puerto-Rikodagi Luis Munyos Marin xalqaro aeroportida esa 169 ta reys bekor qilingan.
American Airlines kompaniyasining ma’lum qilishicha, Venesueladagi vaziyat 19 ta aeroportga, jumladan, AQSh va Britaniya Virjiniya orollari, Puerto-Riko, Sent-Martin, Sent-Lyusiya va Barbados kabi orollarga salbiy ta’sir ko‘rsatmoqda. Venesueladagi murakkab vaziyat xalqaro reyslarning bekor qilinishi va kechikishlariga sabab bo‘lmoqda.
Bu holat Karib dengizidagi turizm sanoatiga jiddiy zarar yetkazib, sayyohlar o‘rtasida noaniqlik va xavotirni kuchaytirmoqda. Aeroportlar va aviakompaniyalar ushbu muammolarni tezda hal eta olmasliklari sababli vaziyat yanada qiyinlashmoqda.
