Qodirov sog‘lig‘i borasidagi taxminlar yana muhokamada
Checheniston rahbari Ramzan Qodirov yangi Sharoy qishlog‘ida hofizlar maktabi ochilish marosimida jamoatchilik oldida ko‘rinish berdi. Bu haqda Zamin.uz xabar berdi.
Tadbir davomida uning hassa ushlagani aks etgan lavhalar tarqaldi. Bu holat uning sog‘lig‘i haqida oldinroq tarqalgan xabarlarga qayta e’tibor qaratilishiga sabab bo‘ldi.
Avvalroq, ijtimoiy tarmoqlarda Qodirovning shoshilinch ravishda shifoxonaga yotqizilgani haqida xabarlar tarqalgan edi. Biroq Chechenistonning milliy siyosat, tashqi aloqalar, matbuot va axborot ishlari vaziri Ahmad Dudayev bu xabarlarni rad etib, ularni yolg‘on deb atadi.
Dudayevning so‘zlariga ko‘ra, 29 dekabr kuni Qodirov 2025 yil yakunlari bo‘yicha yig‘ilish o‘tkazgan, 31 dekabrda esa xalqni yangi yil bilan tabriklagan. Shuningdek, 1 yanvar kuni Qodirov Ukrainadagi harbiy to‘qnashuvlar hududiga yangi texnikalarni jo‘natish jarayonida ishtirok etgan.
Qodirovning sog‘lig‘i haqida tarqalgan xabarlarga qaramay, uning faoliyati davom etayotgani va yangi ma’lumotlar xalqaro darajada ham qiziqish uyg‘otmoqda. Bu holat uning sog‘ligi borasidagi taxminlarga nisbatan turli munozaralarga sabab bo‘lmoqda.
