Rossiyada qarzdor migrantlarga patent berish cheklanishi mumkin

Rossiyada migrantlarning mehnat patentini olish yoki uning muddatini uzaytirishga doir yangi cheklovlar taklif qilinmoqda. Bu haqda Zamin.uz xabar berdi.

Xususan, sud qarori bilan tasdiqlangan qarzdorligi bor shaxslarga patent berish yoki uni uzaytirishni rad etish masalasi ko‘tarildi. Bu haqda kursiv.uz xabar berdi.

Davlat Dumasi Mehnat, ijtimoiy siyosat va faxriylar ishlari qo‘mitasi raisi Yaroslav Nilovning so‘zlariga ko‘ra, mazkur chora qarzdorlikni undirish uchun qo‘shimcha rag‘batlantirish vositasi sifatida ko‘rib chiqilmoqda. Nilovning ta’kidlashicha, agar sud qarori mavjud bo‘lsa va qarzdor shaxs belgilangan qarzni to‘lamayotgan bo‘lsa, bu holat unga patent berishni rad etish uchun asos bo‘lishi mumkin.

Taklif etilayotgan qonun loyihasiga ko‘ra, migrantlar mehnat patentini uzaytirish uchun avvalo sud qarori bilan tasdiqlangan barcha qarzdorliklarini to‘liq yopishlari talab qilinadi. Ushbu tashabbus parlamentga yangi yil ta’tilidan so‘ng kiritilishi rejalashtirilgan.

Mazkur o‘zgarishlar migrantlar orasida moliyaviy intizomni oshirish va qarzdorlikni kamaytirishga qaratilgan.