Turkmaniston fuqarolari uchun AQSh vizasiga garov puli joriy etildi
Turkmaniston fuqarolari AQSh vizasiga hujjat topshirishda endilikda 5 mingdan 15 ming dollargacha garov puli kiritishi talab qilinadi. Bu haqda Zamin.uz xabar berdi.
Bu haqda AQShning Associated Press (AP) axborot agentligi xabar berdi. Ma’lum qilinishicha, Turkmaniston qo‘shimcha vizaviy talablar joriy etilgan davlatlar ro‘yxatiga kiritilgan va mazkur tartib 2026 yildan kuchga kiradi.
Yangi qoida faqat Turkmaniston fuqarolariga emas, boshqa bir qator davlatlarga ham tegishli. Xususan, Butan, Botsvana, Markaziy Afrika Respublikasi, Gvineya, Gvineya-Bisau va Namibiya fuqarolaridan ham xuddi shunday garov puli talab qilinadi.
Shuningdek, avvalroq Mavritaniya, San-Tome va Prinsipi, Tanzaniya, Gambiya, Malavi va Zambiya fuqarolari uchun ham ushbu tartib joriy etilgani ma’lum qilingan. Shuni ta’kidlash kerakki, garov puli vizani olishni kafolatlamaydi.
Biroq ariza rad etilgan taqdirda yoki kirishga ruxsat berilgach, mablag‘ arizachiga qaytariladi. Bundan tashqari, viza olish jarayonida bir qator qo‘shimcha talablar ham saqlanib qoladi.
Ular orasida majburiy shaxsiy suhbat, ijtimoiy tarmoqdagi akkauntlar tarixini taqdim etish va sayohatlar bo‘yicha batafsil ma’lumotlarni ko‘rsatish talablari mavjud. Avvalroq AQSh Davlat departamenti Diversity Visa dasturini vaqtincha to‘xtatgani haqida xabar berilgandi.
