Tojikistondagi zilzila O‘zbekiston hududida ham sezildi
Tojikiston hududida qayd etilgan zilzila O‘zbekiston hududida ham sezildi. Bu haqda Zamin.uz xabar berdi.
Bu haqda Respublika Seysmoprognostik monitoring markazi xabar berdi. Rasmiy ma’lumotlarga ko‘ra, 9-yanvar kuni mahalliy vaqt bilan soat 02:14 da Tojikistonda zilzila sodir bo‘lgan.
Zilzilaning epitsentri Toshkentdan 477 km janubi-sharqda, Tog‘li Badaxshon hududida joylashgan. Zilzilaning magnitudasi 5,3 bo‘lib, yer qimirlash chuqurligi 139 kilometrni tashkil etgan.
Epitsentrning geografik koordinatalari 38,39 daraja shimoliy kenglik va 73,37 daraja sharqiy uzunlikda joylashgan. Mutaxassislarning ta’kidlashicha, ushbu zilzila O‘zbekistonning ayrim hududlarida ham sezilgan.
Jumladan: - Farg‘ona viloyatida sezilish kuchi 2–3 ballni tashkil etgan (taxminan 260 km masofada); - Andijon viloyatida 2 ball (285 km masofada); - Namangan viloyatida ham 2 ball (325 km masofada) qayd etilgan. Eslatib o‘tamiz, bundan avval Qirg‘iziston hududida sodir bo‘lgan zilzila ham O‘zbekistonning ayrim hududlarida sezilgani haqida xabar berilgan edi.
Mutaxassislar zilzilalarning kuzatuvi davom etayotganini ma’lum qilishgan.
