Qirg‘iziston AQSh bilan vizasiz rejimni qayta ko‘rib chiqmoqchi

Qirg‘iziston vitse-premyeri Edil Baysalov AQSh tomonidan qirg‘izistonliklar uchun joriy etilgan yuqori miqdordagi garov talabi sababli amerikaliklar uchun vizasiz rejimni qayta ko‘rib chiqishni taklif qildi. Bu haqda Zamin.uz xabar berdi.

U bu fikrini ijtimoiy tarmoq orqali bayon qilgan. Ushbu masala haqida "Kursiv.uz" xabar berdi.

Baysalovning ta’kidlashicha, AQSh Davlat departamentining yangi qoidalari o‘zaro tenglik tamoyiliga zid keladi. Unga ko‘ra, vizaga oid siyosat ikki davlat o‘rtasidagi hurmat va hamkorlikka asoslanishi lozim.

Ijtimoiy tarmoq foydalanuvchilaridan biri bu taklifning oqibatlari haqida xavotir bildirib, AQSh qirg‘izistonliklarga viza berishni yanada cheklashi mumkinligini aytdi. Shuningdek, u munosabatlarni yaxshilashni taklif qildi.

Ma’lum bo‘lishicha, 2024-yil 21-yanvardan boshlab Qirg‘iziston va Tojikiston fuqarolari AQShning B1/B2 toifasidagi (biznes va turistik maqsadlar uchun) vizasiga ariza topshirishda 5 mingdan 15 ming dollargacha garov puli to‘lashi talab etiladi. Aniq miqdor suhbat davomida konsullik xodimi tomonidan belgilanadi.

Garov puli viza olishni kafolatlamaydi. Agar viza berilmasa yoki AQShda bo‘lish qoidalariga amal qilingan bo‘lsa, mablag‘ qaytariladi.