Maduro qo‘lga olindi: Venesuelada hokimiyat kimda?
Venesuela prezidenti Nikolas Maduroning AQSH harbiylari tomonidan to‘satdan qo‘lga olinishi mamlakatda siyosiy bo‘shliqni yuzaga keltirdi. Bu haqda Zamin.uz xabar berdi.
Rasmiy ravishda prezidentlik vazifalari vitse-prezident Delsi Rodrigesga o‘tgan bo‘lsa-da, amaliy hokimiyat ikki ta’sirli shaxs – mudofaa vaziri Vladimir Padrino Lopes va ichki ishlar vaziri Diosdado Kabelio qo‘lida jamlangan. **Ikki asosiy arbob: Padrino va Kabelio** Tahlilchilarga ko‘ra, hozirda Venesuelada muhim qarorlarni qabul qiluvchi kuch aynan ushbu ikki shaxsdir.
Vladimir Padrino nafaqat armiya, balki mamlakat iqtisodiyotining strategik sohalarini ham boshqaradi. U konlar, portlar va iste’mol tovarlari taqsimotini nazorat qiladi.
AQSH uni giyohvand moddalar savdosida ayblab, boshi uchun mukofot e’lon qilgan. Diosdado Kabelio esa ichki ishlar vaziri sifatida mamlakatdagi eng shafqatsiz siyosatchi hisoblanadi.
U politsiya va «kolektivos» deb ataluvchi qurollangan guruhlarni boshqaradi. Uning uslubi qat’iyat va qo‘rqitishga asoslangan bo‘lib, AQSH Kabelioning ham boshi uchun mukofot belgilagan.
**Rasmiy va amaliy hokimiyat taqsimoti** Prezidentlik kursisida Delsi Rodriges o‘tirgan bo‘lsa-da, kuch ishlatar tizimlarni nazorat qilmasdan turib, mamlakatni boshqarish qiyin bo‘lib qolmoqda. Ekspertlar fikricha, hozirgi vaziyatda Delsi mamlakatni rasmiy ravishda boshqarayotgan bo‘lsa, Kabelio tartibni o‘rnatish bilan shug‘ullanmoqda.
**Kelajak qanday bo‘ladi?** Venesuela yangi rahbariyatining AQSH bilan qanday munosabatlar o‘rnatishi noma’lum. Tahlilchilar Padrino bilan kelishuvga erishish ehtimoli yuqori, chunki u o‘z manfaatlarini himoya qilishga moyil.
Kabelio esa mafkuraviy fanatik bo‘lib, u hokimiyatni oxirigacha saqlab qolishga intiladi. Maduro ag‘darilgach, «kolektivos» guruhlari ko‘chalarni nazoratga olib, aholini qattiq kuzatish ostiga oldi.
Bu esa yangi rahbariyat mamlakatni temir intizom bilan boshqarish niyatida ekanini ko‘rsatmoqda. Sizningcha, Venesuela ichki nizolardan qochib, tinchlikka erisha oladimi?
Yoki bu vaziyat fuqarolar urushiga olib keladimi?
