Mast ona tufayli chaqaloq qonida alkogol aniqlandi
Polshada yangi tug‘ilgan chaqaloq qonida alkogol aniqlangani haqida xabar berildi. Bu haqda Zamin.uz xabar berdi.
8-yanvar kuni Polshaning Tomashuv-Lyubelski shahridagi kasalxonada og‘ir holat ro‘y berdi. 38 yoshli ayol tug‘ruqqa kuchli mast holatda olib kelingan.
Shifokorlar ayolning qonida 3 promille miqdorda alkogol borligini aniqlashgan. Shu sababli, tug‘ruqni kesarcha usulda amalga oshirishga qaror qilingan.
Tug‘ruqdan so‘ng chaqaloqning qonida ham alkogol borligi ma’lum bo‘ldi. Uning qonida 1,62 promille alkogol aniqlangan.
Bu miqdor yangi tug‘ilgan chaqaloq uchun katta xavf tug‘diradi. Shifokorlar bolaning hayotini saqlab qolish uchun barcha zarur tibbiy choralarni ko‘rishdi.
Mazkur holat bo‘yicha politsiya va prokuratura tergov ishlarini boshladi. Chaqaloqning hayotiga xavf tug‘dirgani uchun aybdor shaxslar 5 yilgacha ozodlikdan mahrum qilinishi mumkin.
Voqea jamoatchilik orasida katta rezonans keltirib chiqardi.
