Novokuznetsk tug‘ruqxonasida 9 chaqaloq vafot etdi.
Rossiyaning Novokuznetsk shahridagi 1-sonli tug‘ruqxonada qisqa muddat ichida to‘qqiz nafar yangi tug‘ilgan chaqaloqning vafot etgani haqida xabar berildi. Bu haqda Zamin.uz xabar berdi.
Ushbu hodisa faqat ikki hafta davomida ro‘y bergan. RIA Novosti ma’lumotiga ko‘ra, tug‘ruqxona xodimlari orasida o‘tkir respirator virusli infeksiya (O‘RVI) bilan kasallanish holatlari ko‘paygani sababli muassasa vaqtincha yopilgan.
Tug‘ruqxona rahbariyati akusherlik statsionarining faoliyati to‘xtatilganini e’lon qildi. Uning qayta ochilish sanasi haqida keyinchalik ma’lumot berilishi ma’lum qilingan.
TASS agentligining xabariga ko‘ra, Rossiya Tergov qo‘mitasining Kemerovo viloyati bo‘yicha tergov boshqarmasi ushbu hodisa yuzasidan tekshiruv ishlarini boshlagan. Shuningdek, sanitariya-epidemiologik ko‘rsatkichlarni aniqlash va karantin tadbirlari o‘tkazilishi rejalashtirilgan.
Rossiya sog‘liqni saqlash vaziri Andrey Tarasovning ma’lum qilishicha, vaziyatni to‘liq baholash va bunday holatlarning oldini olish bo‘yicha zarur chora-tadbirlar amalga oshirilmoqda. Tekshiruv natijalari bo‘yicha qo‘shimcha rasmiy axborot berilishi kutilmoqda.
