Qozog‘istonda avtobus ag‘darilib, to‘rt kishi halok bo‘ldi
Qozog‘istonda yo‘lovchi avtobusi halokatga uchrab, to‘rt kishi vafot etdi, uch nafar fuqaro jarohat oldi. Bu haqda Zamin.uz xabar berdi.
Bu haqda Qozog‘iston Transport vazirligi ma’lumot berdi. Hodisa Aktau-Beyneu avtomagistralida yuz bergan.
Dastlabki ma’lumotlarga ko‘ra, Aktaudan Beyneu qishlog‘iga yo‘l olgan Yutong rusumli avtobus haydovchisi boshqaruvni yo‘qotib, transport vositasi ag‘darilgan. Avtobusda jami 50 nafar yo‘lovchi bo‘lgan, ulardan uch nafari og‘ir jarohatlar bilan shifoxonaga yotqizilgan.
Mang‘istau viloyati politsiyasi hodisa yuzasidan tergov ishlarini olib bormoqda. Dastlabki surishtiruvlarga ko‘ra, avtobus 2025 yil 19 dekabr kuni texnik ko‘rikdan o‘tgan.
Hodisa sodir bo‘lgan yo‘l II texnik toifaga kiradi, asfalt-beton qoplamaga ega bo‘lib, texnik jihatdan to‘liq ish holatida bo‘lgani aniqlangan. Tegishli organlar voqeaning sabablarini aniqlashda davom etmoqda.
Hodisa tafsilotlari yuzasidan qo‘shimcha ma’lumot berilishi kutilmoqda.
