Karachidagi yong‘inda 11 kishi halok bo‘ldi
Karachi shahridagi savdo markazida yuz bergan yong‘in oqibatida kamida 11 kishi halok bo‘ldi. Bu haqda Zamin.uz xabar berdi.
Bu haqda "The Washington Post" nashri xabar berdi. Hodisa 17-yanvar kuni sodir bo‘lgan.
Ma’lum qilinishicha, yong‘in kechqurun boshlangan va qisqa vaqt ichida savdo markazidagi kosmetika, kiyim-kechak hamda plastmassa mahsulotlari saqlangan do‘konlarga tarqalgan. Yong‘in tez kengaygani sababli ko‘plab insonlar evakuatsiya qilinishga ulgurmagan.
19-yanvar holatiga ko‘ra, qariyb 60 kishi bedarak yo‘qolganlar ro‘yxatida qolmoqda. Yo‘qolganlar yaqinlari binoning tashqarisida to‘planib, qutqaruvchilar olib borayotgan ishlar haqida ma’lumot kutmoqda.
Qutqaruv va qidiruv ishlari kechayu kunduz davom etayotgani ma’lum qilindi. Shahar meri va politsiya vakillarining so‘zlariga ko‘ra, yong‘inning kelib chiqish sababi hozircha aniqlanmagan.
Bu borada tergov ishlari olib borilmoqda. Hodisa joyida qutqaruvchilar faoliyatini davom ettirmoqda.
