BioParque hayvonlariga jaziramada muzli taom berildi
Rio-de-Janeyro shahrida joylashgan BioParque hayvonot bog‘ida anomal issiq ob-havo sharoitida hayvonlarga maxsus parvarish ko‘rsatildi. Bu haqda Zamin.uz xabar berdi.
Ushbu chora hayvonlarni jazirama issiqdan himoya qilish va ularning salomatligini saqlash maqsadida amalga oshirildi. Xususan, hayvonlarga ularning turiga mos ravishda tayyorlangan muzlatilgan taomlar taqdim etildi.
Bu haqda Associated Press xabar berdi. Hayvonot bog‘i xodimlari har bir hayvonning oziqlanish odatlarini inobatga olgan holda maxsus "sovituvchi" taomlar tayyorlashdi.
Masalan, maymunlar uchun tarvuzli muzqaymoq tayyorlangan bo‘lsa, yaguarga muzlatilgan tovuq go‘shti aralashmasi hovuzda suzib berildi. Biolog Letitsiy Feytozning so‘zlariga ko‘ra, bunday usul hayvonlarni nafaqat sovutadi, balki ularning suvsizlanishining oldini olishga ham yordam beradi.
Chunki yirtqichlar bu taomni yeyish jarayonida muzning eritilgan suvini ham yutib yuboradi. Hayvonot bog‘iga tashrif buyurgan mehmonlar hayvonlarning noodatiy ovqatlanish usulini katta qiziqish bilan kuzatishdi.
Tashrifchilardan biri, o‘qituvchi Lorena Karvalyo, bu g‘oyani yuqori baholab, "Bu chora nafaqat hayvonlar uchun qulaylik yaratadi, balki ularning sog‘lom bo‘lishiga ham yordam beradi," deya o‘z fikrini bildirdi.
