Berron Trampning harakati qiz hayotini saqlab qoldi
Buyuk Britaniyada o‘tgan sud majlisida bir qiz AQShning sobiq prezidenti Donald Trampning kenja o‘g‘li Berron Tramp uning hayotini saqlab qolganini ma’lum qildi. Bu haqda Zamin.uz xabar berdi.
Bu haqda Metro nashri xabar bermoqda. Qizning so‘zlariga ko‘ra, voqea Londonda, sobiq yigitining unga nisbatan zo‘ravonlik qilgan holati bo‘yicha ko‘rilayotgan ish doirasida sodir bo‘lgan.
Berron Tramp ushbu voqeaga guvoh bo‘lib, unga yordam bergan. Ma’lumotlarga qaraganda, ushbu voqea 2025-yilning 18-yanvar kuni sodir bo‘lgan.
19 yoshli Berron Tramp jabrlanuvchining videoqo‘ng‘irog‘iga javob bergan va unda 22 yoshli sobiq yigit Maksim Rumyantsev qizga tajovuz qilayotganini ko‘rgan. Shundan so‘ng u darhol Buyuk Britaniyaning 999 qutqaruv xizmatiga qo‘ng‘iroq qilib, vaziyatni favqulodda holat sifatida baholagan hamda joylashuv manzilini aytgan.
Sudda voqea joyida bo‘lgan politsiya xodimlarining bodi-kamera yozuvlari ham ko‘rib chiqilgan. Ushbu yozuvlarda ofitserlardan biri hamkasbiga “xabar beruvchi Amerikadan, ehtimol Donald Trampning o‘g‘li”, degan gapni aytgani eshitilgan.
Nashrning ma’lum qilishicha, Rumyantsev jabrlanuvchiga Berron Trampga rashk qilgani sababli bosim o‘tkazgan. Ushbu voqea jamoatchilik orasida katta qiziqish uyg‘otgan va Berron Trampning tezkor harakati tufayli jabrlanuvchi qiz hayoti xavfdan saqlab qolingan.
