Ilon Mask: Sun’iy intellekt insoniyatdan ustun bo‘ladi
Ilon Maskning ta’kidlashicha, sun’iy intellekt 2026 yil oxiriga borib har qanday alohida insonning aql-idrokidan ustun bo‘lishi, 2031 yilga kelib esa butun insoniyatning umumiy intellektidan ham o‘zib ketishi mumkin. Bu haqda Zamin.uz xabar berdi.
Bu haqda podrobno.uz xabar berdi. Mask bu fikrlarini Davosdagi Jahon iqtisodiy forumida bildirgan.
U sun’iy intellekt rivoji kutilganidan ham tezroq sodir bo‘layotganini va insoniyat texnologik singulyarlikka tobora yaqinlashib borayotganini qayd etdi. Biroq uning fikricha, asosiy muammo texnologiyalarda emas, balki elektr energiyasi ta’minotida.
Neyron tarmoqlar uchun chiplar ishlab chiqarish hajmi oshayotgan bo‘lsa-da, ko‘plab davlatlar energiya infratuzilmasini bunday yuklamalarga moslashtirishga ulgurmayapti. Ilon Mask muqobil yechim sifatida hisoblash quvvatining bir qismini kosmosga ko‘chirish g‘oyasini taklif qildi.
U SpaceX kompaniyasi orqali quyosh energiyasida ishlaydigan va vakuumda sovishi mumkin bo‘lgan sun’iy yo‘ldoshlarni uchirishni rejalashtirmoqda. Ushbu sun’iy yo‘ldoshlarga sun’iy intellekt tizimlari o‘rnatilishi ko‘zda tutilgan.
Shuningdek, Mask sun’iy intellektning xavflariga qaramay, uning insoniyatga katta foyda keltirishi mumkinligini ta’kidladi. Unga ko‘ra, to‘g‘ri nazorat ostida AI va Tesla Optimus kabi gumanoid robotlar tovar va xizmatlarni arzon va qulay qilib, barcha uchun yangi imkoniyatlar yaratadi.
