Minneapolisda deportatsiya paytida erkak otib o‘ldirildi
Minneapolis shahri (AQSH)da 24-yanvar kuni AQSH Immigratsiya va Bojxona xizmati (ICE) xodimlari tomonidan deportatsiya operatsiyasi davomida 37 yoshli erkak otib o‘ldirildi. Bu haqda Zamin.uz xabar berdi.
Bu haqda Amerika ommaviy axborot vositalari xabar bermoqda. Ichki xavfsizlik vazirligining ma’lumotiga ko‘ra, federal xodimlar jinoiy ishni amalga oshirayotgan paytda erkak ularga qo‘lida to‘pponcha bilan yaqinlashgan.
Xodimlar dastlab uning qurolini olib qo‘yishga harakat qilishgan, biroq erkak kuchli qarshilik ko‘rsatgan. Natijada, xodim o‘zini va atrofdagilarni himoya qilish maqsadida o‘q uzgan.
Voqea joyida olingan videolarda erkakning dastlab telefonida xodimlarni tasvirga olayotgani, keyinchalik ikki kishiga yordam berishga urinayotgani ko‘rsatilgan. Shundan so‘ng xodimlar uni yerga yotqizib, qo‘llarini tasma bilan bog‘lashgan va bir necha marta o‘q uzgan.
Erkak voqea joyida halok bo‘lgan. Bu voqea jamoatchilik orasida qattiq norozilikka sabab bo‘ldi.
Minnesota shtati gubernatori Tim Uols federal agentlarning harakatlarini keskin tanqid qilib, bunday operatsiyalarni to‘xtatishni talab qildi. Avval ham ICE xodimlari tomonidan o‘tkazilgan operatsiyalar paytida odamlar otib o‘ldirilgani haqida xabarlar tarqalgan edi.
Bu esa migratsiya siyosati va federal kuchlar faoliyati bo‘yicha jiddiy bahs-munozaralarga sabab bo‘lmoqda. Mazkur holat AQSHda dolzarb va keskin muhokama qilinayotgan mavzulardan biri bo‘lib qolmoqda.
