190 yillik matematik muammo hal etildi
Rossiyalik matematik Ivan Remizov 190 yil davomida yechilmagan matematik muammoni hal qilishga muvaffaq bo‘ldi. Bu haqda Zamin.uz xabar berdi.
U tabiatdagi jarayonlarni, jumladan, elementar zarrachalar harakati va sayyoralar orbitalarini tavsiflovchi ikkinchi darajali differensial tenglamaning universal formulasini yaratdi. Bu kashfiyot fizika sohasida katta qiziqish uyg‘otdi.
Chunki Remizov kvant zarrachalari harakatini o‘rganishda ishlatiladigan matematik yondashuvdan foydalangan. Ushbu usul yordamida u elementar zarrachalarning tartibsiz harakati va sayyoralar orbitalariga ta’sir qiluvchi qonunlarni bir formulada umumlashtirishga erishdi.
Mazkur kashfiyot nafaqat nazariy fizika, balki astrofizika va injenerlik sohalarida ham yangi tadqiqotlar uchun yo‘l ochishi mumkin. Remizovning universal formulasi murakkab sistema va jarayonlarni matematik modellashtirishni ancha osonlashtiradi.
Ivan Remizovning bu yutug‘i zamonaviy ilm-fan tarixidagi muhim voqealardan biri sifatida baholanmoqda. Bu kashfiyot kelajakda fan va texnologiya rivojida katta ahamiyatga ega bo‘lishi kutilmoqda.
