Yaponiyada maktab o‘quvchilari orasida o‘z joniga qasd ko‘paydi
Yaponiya Sog‘liqni saqlash, mehnat va ijtimoiy ta’minot vazirligi bergan ma’lumotlarga ko‘ra, 2025 yilda boshlang‘ich va o‘rta maktab o‘quvchilari orasida o‘z joniga qasd qilish holatlari rekord darajaga yetgan. Bu haqda Zamin.uz xabar berdi.
Ushbu yilda 532 nafar maktab o‘quvchisi o‘z hayotiga yakun yasagan. Bu ko‘rsatkich 1980 yildan buyon yuritilayotgan rasmiy statistikada eng yuqori natijadir.
Tahlillarga ko‘ra, qizlar o‘g‘il bolalarga nisbatan ko‘proq o‘z joniga qasd qilgan. Eng ko‘p holatlar o‘rta maktab o‘quvchilari orasida kuzatilgan bo‘lib, bunday hodisalar soni 349 tani tashkil etgan.
Shu bilan birga, mamlakat bo‘ylab umumiy aholi orasida o‘z joniga qasd qilish holatlari kamayish tendensiyasini namoyon qilmoqda. 2025 yilda Yaponiyada jami 20 mingdan kam shaxs o‘z hayotini shu tarzda tugatgan.
Bu esa umumiy ko‘rsatkichlarda ijobiy o‘zgarish mavjudligini anglatadi.
