Oltin narxi ikki kunda 12 foizga arzonladi
Jahon bozorida oltin narxlari so‘nggi oylar ichida sezilarli darajada tushib ketdi. Bu haqda Zamin.uz xabar berdi.
Tarixiy yuqori ko‘rsatkich qayd etilgach, oltin narxi keskin pasayib, ikki kun ichida qariyb 12 foizga arzonladi va uning bir unsiyasi 5 ming dollardan pastga tushdi. Bu haqda Podrobno.uz xabar berdi.
Pasayish 29-yanvar kuni, payshanba, boshlangan. CME birjasida aprel oyidagi f’yucherslar narxi dastlab unsiyasi 5 626,8 dollarga yetdi, biroq savdo oxiriga kelib 5 126 dollargacha tushdi.
Ushbu tebranish yil boshidan buyon kuzatilgan eng katta kunlik o‘zgarish sifatida qayd etildi. 30-yanvar, juma kuni ham narxning pasayishi davom etdi.
Shartnomalar narxi yana 7 foizdan ko‘proqqa arzonlab, birinchi marta 4 959 dollarga tushdi. Reuters tahlilchilarining fikriga ko‘ra, bu holat rekord darajadan keyin investorlarning foydani mustahkamlash maqsadida pozitsiyalarni yopishi bilan izohlanadi.
Shuningdek, oltin narxiga AQSH dollari kursining mustahkamlanishi hamda Federal zaxira tizimi rahbariyati bilan bog‘liq noaniqliklar ham ta’sir ko‘rsatdi. KCM kompaniyasining bosh savdo tahlilchisi Tim Uotererning ta’kidlashicha, bozor Federal zaxira tizimining yangi rahbari nomzodi bo‘yicha kutilayotgan xabarlar fonida xavfsiz aktivlar bo‘yicha pozitsiyalarni qayta ko‘rib chiqdi.
Material e’lon qilingan paytda aprel f’yucherslari narxi unsiyasi 5 128,5 dollarni tashkil etdi. Bu esa avvalgi savdo yopilishiga nisbatan 4,76 foiz past ko‘rsatkichdir.
