Donald Trampning sog‘lig‘i jiddiy xavf ostida
Amerikalik fizioterapevt Adam Jeymsning ma’lumotiga ko‘ra, AQShning sobiq prezidenti Donald Trampning sog‘lig‘i jiddiy xavotir uyg‘otmoqda. Bu haqda Zamin.uz xabar berdi.
Mutaxassisning fikricha, Trampda frontotemporal demensiya belgilari kuzatilmoqda. Ushbu kasallik odatda inson umrini 7 yildan 12 yilgacha qisqartirishi mumkin.
Jeymsning ta’kidlashicha, Trampning sog‘lig‘idagi muammolar 2016 yilda prezidentlik saylovlari oldidan paydo bo‘lgan. Mutaxassisning fikriga ko‘ra, Donald Trampning sog‘lig‘i bilan bog‘liq haqiqiy holat jamoatchilikdan yashirilmoqda.
U Trampning sog‘lig‘i yomonlashayotganini va bu jarayon prezident atrofidagi jamoa tomonidan sir tutilayotganini qayd etgan. Bundan tashqari, fizioterapevtning so‘zlariga ko‘ra, hozirda 80 yoshni qarshilagan Donald Trampda bir qator surunkali kasalliklar mavjud.
Jumladan, yurak yetishmovchiligi va surunkali buyrak kasalligidan aziyat chekayotganini aytgan. Ushbu kasalliklar insult yoki yurak xuruji xavfini oshirishi mumkin.
Jeymsning xulosasiga ko‘ra, sobiq prezidentning hayoti uchun xavfli davr kelgan.
