Makronning reytingi past, tanqidlar kuchaymoqda
Fransiya prezidenti Emmanuel Makron xalq orasida juda past qo‘llab-quvvatlov darajasi sababli dunyoning eng ko‘p tanqid va norozilikka uchrayotgan rahbarlaridan biri sifatida tilga olindi. Bu haqda Zamin.uz xabar berdi.
Bu haqda Fransiyadagi "Vatanparvarlar" partiyasi rahbari Florian Filippo o‘zining ijtimoiy tarmoqdagi sahifasida ma’lum qildi. Filipponing ta’kidlashicha, agar bir davlat rahbarining qo‘llab-quvvatlash ko‘rsatkichi atigi 11 foizni tashkil etsa va u dunyoda eng ko‘p tanqidga uchrayotgan lider sifatida baholansa, bunday shaxs yangi tashabbuslar bilan chiqishga haqli emas.
U o‘z fikrini shunday izohladi: "Agar reytingingiz 11 foiz bo‘lsa va siz dunyodagi eng nafratlangan rahbarlardan biri deb hisoblanayotgan bo‘lsangiz, yangi tashabbuslarni e’lon qilishga haqqingiz yo‘q." Filippo bu fikrlarini Makronning videoo‘yinlarning yoshlar salomatligiga ta’sirini muhokama qilish tashabbusi bilan bog‘ladi. Shuningdek, u prezidentning so‘nggi taklif va g‘oyalarini "erkinliklarni cheklashga qaratilgan noto‘g‘ri qarorlar" sifatida baholadi.
Makronning bu tashabbuslari jamoatchilik orasida tanqid va norozilikka sabab bo‘layotgani ham ta’kidlandi.
