Jorja Meloni Olimpiya ochilishida uxlab qoldi
Italiya bosh vaziri Jorja Meloni Ispaniyada o‘tkazilgan qishki Olimpiya o‘yinlarining ochilish marosimida uxlab qolgani sababli internet foydalanuvchilari orasida muhokamalarga sabab bo‘ldi. Bu haqda Zamin.uz xabar berdi.
Marosim Milandagi “San-Siro” stadionida bo‘lib o‘tgan va Italiyaning Rai1 telekanali orqali jonli efirda namoyish etilgan edi. Shu vaqt davomida bosh vazirning uyquga ketgan lahzasi kameralar tomonidan tasvirga olingan.
Kuzatuvchilarning so‘zlariga ko‘ra, Jorja Meloni tadbir davomida charchoq alomatlari bilan passiv holatda o‘tirgan va bir payt suyanchiqga suyanib, ko‘z yumgan. Bu holat ijtimoiy tarmoqlarda tez tarqalib, turli fikr-mulohazalarga sabab bo‘ldi.
Ayrim foydalanuvchilar buni hurmatsizlik sifatida baholagan bo‘lsa, boshqalar buni hazil bilan qabul qilishgan. Hozirgacha na bosh vazirning o‘zi va na Italiya hukumati ushbu hodisaga rasmiy izoh bergan.
Shuningdek, yaqinda Italiyadagi San-Lorenso-in-Luchina cherkovida joylashgan freskadagi farishtaning qiyofasi Jorja Meloniga o‘xshab ketgani haqida ham xabarlar tarqalgan edi. Bu borada rasmiylar mazkur o‘xshashlik tasodifiy ekanini ta’kidlagan.
