Xitoyda zavod portlashi: 8 kishi halok bo‘ldi
Xitoyning shimoliy qismida joylashgan Shansi provinsiyasida kuchli portlash sodir bo‘ldi. Bu haqda Zamin.uz xabar berdi.
Xinhua axborot agentligi bergan ma’lumotga ko‘ra, Shochjou shahri, Shanin okrugida joylashgan “Jiapeng” biotexnologiya zavodida yuz bergan ushbu portlash oqibatida sakkiz kishi halok bo‘lgan. Hodisaning aniq sabablari hozircha ma’lum emas.
Mahalliy rasmiylar voqea bo‘yicha tergovni boshlaganliklarini ma’lum qilishdi. Zavod xodimlaridan biri hozirda huquq-tartibot organlari tomonidan hibsga olingan.
Voqea joyida tergov guruhi tashkil etilib, portlashning sabablari va boshqa tafsilotlar aniqlanmoqda. Rasmiylar hodisa yuzasidan qo‘shimcha ma’lumotlar berilishini aytishgan.
Ayni paytda xavfsizlik choralari kuchaytirilgan va vaziyat nazorat ostida.
