Maktabda 24 qizga tegajog‘lik qilgan o‘qituvchi hibsda
Kojayeli viloyatining Dilovasi tumanida joylashgan o‘rta maktablardan birida 24 nafar o‘quvchi qizga tegajog‘lik qilganlikda ayblangan 32 yoshli o‘qituvchi qo‘lga olindi. Bu haqda Zamin.uz xabar berdi.
Bu haqda mahalliy ommaviy axborot vositalari xabar berdi. Ma’lum qilinishicha, Turgut O‘zal mahallasidagi Mubajjal Cho‘loqo‘g‘li o‘rta maktabida tahsil olayotgan ayrim o‘quvchi qizlar o‘qituvchi O.M.
tomonidan ularga nisbatan nojo‘ya xatti-harakatlar sodir etilganini o‘z oilalariga ma’lum qilishgan. Ushbu holat maktab ma’muriyatiga yetkazilgan va masala bo‘yicha tegishli choralar ko‘rilgan.
Maktabning psixologik xizmat xodimlari tomonidan o‘tkazilgan suhbatlarda o‘qituvchining bir yil davomida 24 nafar o‘quvchi qizga nisbatan noo‘rin xatti-harakatlar sodir etgani aniqlangan. Ushbu ma’lumot ota-onalar tomonidan huquqni muhofaza qilish organlariga yetkazilgan.
Ichki ishlar bo‘limi xodimlari tomonidan olib borilgan surishtiruv ishlari natijasida o‘qituvchi O.M. qo‘lga olingan.
U dastlab so‘roq qilingan, so‘ngra sud zalida qamoqqa olish qarori chiqarilgan. Ayblanuvchi Qandara jazoni ijro etish muassasasiga yuborilgan.
Holat yuzasidan tergov ishlari davom etmoqda.
