Ilon Mask: Oyda shaharlar 10 yilda paydo bo‘ladi
Ilon Maskning rejasiga ko‘ra, yaqin 10 yil ichida Oyda “o‘z-o‘zini rivojlantiruvchi” shaharlar paydo bo‘lishi mumkin. Bu haqda Zamin.uz xabar berdi.
Mars esa bu maqsadga bir necha o‘n yilliklar ichida erishishi kutilmoqda. Bu haqda The Insider nashri xabar bermoqda.
SpaceX kompaniyasining asoschisi va milliarder Ilon Mask ijtimoiy tarmoqlardagi izohlarida Oyga oid loyihalarni kompaniyaning ustuvor yo‘nalishi deb atagan. Uning ta’kidlashicha, Marsga parvozlar faqat 26 oyda bir marta amalga oshirilishi mumkin, chunki bu davrda Mars Yerga eng yaqin nuqtada bo‘ladi.
Oyga esa har 10 kunda bir marta uchish mumkin va bunday parvoz ikki kun davom etadi. Marsga uchish esa taxminan olti oy vaqt oladi.
Maskning fikricha, Oyga oid loyihalarning dastlabki natijalari 10 yil ichida ko‘zga tashlanadi, Marsga oid rejalar esa kamida 20 yil vaqt talab qiladi. Shu bilan birga, NASA ham so‘nggi 50 yil ichida birinchi marta insonlarni Oyga yuborish rejasini amalga oshirishga tayyorlanmoqda.
“Artemida” dasturi doirasida astronavtlar Oyga qo‘ndirilib, u yerda uzoq muddat yashash sharoitlari yaratiladi. Ushbu uchirish bir necha bor kechiktirilgan bo‘lsa-da, yangi reja bo‘yicha loyiha 2026 yil mart oyida amalga oshirilishi kutilmoqda.
