Labubu o‘yinchoqlari bir yilda 100 mln sotildi
Xitoyda mashhur bo‘lgan Pop Mart kompaniyasiga tegishli Labubu o‘yinchoqlari o‘tgan yil davomida 100 million donadan ortiq sotilgan. Bu haqda Zamin.uz xabar berdi.
Bu haqda xitoylik manbalarga tayanib xabar berildi. 7-fevral kuni o‘tkazilgan yillik yig‘ilishda kompaniya asoschisi Van Nin 2025 yil yakunlariga oid ma’lumotlarni taqdim etdi.
Unga ko‘ra, Pop Martning barcha mahsulot turlari va intellektual mulk loyihalari bo‘yicha umumiy savdo hajmi 400 million donadan oshgan. Shuningdek, 2025 yilga kelib kompaniya xodimlari soni 10 ming nafardan oshgan, ro‘yxatdan o‘tgan foydalanuvchilar soni esa 100 millionga yetgan.
Pop Mart bugungi kunda 100 dan ortiq mamlakat va hududlarda faoliyat yuritmoqda hamda 700 dan ziyod rasmiy do‘konlarga ega. Eslatib o‘tamiz, Labubu — rassom Kasing Lung tomonidan yaratilgan o‘ziga xos qahramon bo‘lib, noodatiy va qiziqarli qiyofasi tufayli yoshlar orasida katta shuhrat qozongan.
Mazkur o‘yinchoq nafaqat Xitoyda, balki boshqa ko‘plab mamlakatlarda ham keng tarqalmoqda.
