Keniyada puldan guldasta yasash taqiqlandi

Kenyada 14-fevral – Sevishganlar kuni munosabati bilan puldan guldasta yasash taqiqlandi. Bu haqda Zamin.uz xabar berdi.

Mamlakat Markaziy banki bu borada maxsus ogohlantirish berdi. Unga ko‘ra, keyingi vaqtlarda banknotalardan guldasta va turli bezaklar yasash holatlari ko‘paygan.

Bu esa qonunbuzarlik hisoblanadi. Markaziy bank xabariga ko‘ra, Keniya shillingi kupyuralari yelimlanib, shtapellanib yoki igna bilan teshilib bezatilmoqda.

Bir qarashda bunday “sovg‘a” chiroyli ko‘rinsa-da, amalda pulning butligini buzadi. Natijada banknotalar muomalaga yaroqsiz holga keladi va ularni almashtirishga to‘g‘ri keladi.

Bu esa qo‘shimcha xarajatlarni keltirib chiqaradi. Bank ta’kidlashicha, naqd pulni sovg‘a qilish mumkin, lekin bu jarayonda banknotalarni shikastlamaslik, ularning holatini buzmaslik lozim.

Pulni yelimlash, teshish yoki boshqa yo‘llar bilan dekoratsiya qilish yaxshi fikr emas. Qonunchilikka ko‘ra, valyuta banknotalarini shikastlash, yaroqsiz holga keltirish yoki butligini buzish taqiqlangan.

Keniya Jinoyat kodeksining 367-moddasiga binoan, bu qilmish uchun shaxs 3 oygacha qamoq jazosi yoki 2000 shilling (15,50 AQSh dollari atrofida) miqdorida jarima bilan jazolanishi mumkin. Qiziq tomoni shundaki, bu masalada Keniya yolg‘iz emas.

2023 yil mart oyida Gana banki ham fuqarolarni puldan guldasta va savat yasashdan tiyilishga chaqirgan edi. Xulosa qilib aytganda, romantika qilish mumkin, lekin pulni shikastlash noto‘g‘ri.

Sevgi bor joyda aql ham bo‘lishi kerak. Bu nafaqat cho‘ntakka, balki qonunga ham hurmatdir.