Rashk tufayli rafiqasini jarohatlagan erkak qamaldi
Boshqirdiston Respublikasida yashovchi bir fuqaro rashk tufayli mast holatda rafiqasiga jismoniy zarar yetkazdi. Bu haqda Zamin.uz xabar berdi.
Bu holat Karmaskali tumanlararo sudi tomonidan ko‘rib chiqilgan. Sud materiallariga ko‘ra, erkak spirtli ichimlik iste’mol qilganidan so‘ng turmush o‘rtog‘i bilan janjallashib qolgan.
Mojaro davomida u rashk ta’sirida qo‘lida kabob tayyorlash uchun ishlatiladigan sixni olib, rafiqasining ko‘krak qismiga zarba bergan. Ushbu hodisadan keyin gumonlanuvchi voqea joyini tark etgan, jabrlanuvchi esa tezkor tibbiy yordam olgani sababli uning hayoti saqlab qolingan.
Sud jarayonida ayblanuvchi o‘z aybini to‘liq tan olmadi va bu harakatni faqat turmush o‘rtog‘ini “qo‘rqitish” maqsadida amalga oshirganini ta’kidladi. Sud uning ilgari sodir etgan jinoyati uchun o‘talmagan jazo muddatini ham inobatga olib, erkakni 7 yil 6 oy muddatga ozodlikdan mahrum etish to‘g‘risida hukm chiqardi.
U jazoni maxsus tartibli koloniyada o‘tashi belgilandi.
