Kanadada maktabga hujum: 9 o‘lik, 27 jarohat

10-fevral kuni Kanadada maktabda sodir bo‘lgan qurolli hujum oqibatida 9 kishi halok bo‘ldi, 27 kishi esa turli darajada jarohat oldi. Bu haqda Zamin.uz xabar berdi.

Hodisadan so‘ng huquqni muhofaza qiluvchi organlar tomonidan tergov ishlari olib borildi. Mahalliy politsiya bergan ma’lumotlarga ko‘ra, hujumni 18 yoshli Jesse Van Rotselaar amalga oshirgan.

Rasmiylar uning bir necha yil avval jinsini o‘zgartirgani va ruhiy salomatligida muammolar bo‘lgani haqida ma’lumot berdi. Shuningdek, bu sababli ilgari uning uyiga politsiya chaqirilgani ham qayd etilgan.

Ma’lum bo‘lishicha, Jesse to‘rt yil avval maktabni tark etgan. Dastlabki ma’lumotlarga ko‘ra, u hujumdan oldin uyida onasi va ukasining hayotiga zomin bo‘lgan.

Maktabdagi hujumdan keyin esa u o‘z joniga qasd qilgan. Hozirda tergov organlari hodisaning barcha sabab va omillarini aniqlash ustida ish olib bormoqda.

Mutasaddilar jarohat olganlarga har tomonlama yordam ko‘rsatilayotganini ma’lum qilishdi.