Venesuela va AQSH o‘rtasida muzokaralar faollashdi

Reuters xabariga ko‘ra, Venesuela rahbariyatida prezident vakolatlarini vaqtincha bajarib kelayotgan Delsi Rodriges AQSH tomonidan taklif olinganini ma’lum qilgan. Bu haqda Zamin.uz xabar berdi.

Uning so‘zlariga ko‘ra, agar asosiy masalalar bo‘yicha kelishuvga erishilsa, ushbu tashrif amalga oshishi mumkin. Rodrigesning ta’kidlashicha, Nikolas Maduro hali ham Venesuelaning qonuniy prezidenti hisoblanadi.

U, shuningdek, Maduro va uning rafiqasi Siliya Floresning aybsiz ekanini alohida qayd etgan. Hozirgi paytda Rodrigesning diqqat markazida Venesuela neft sanoatini qayta tiklash va AQSH investitsiyalarini jalb qilish masalalari turgani aytilmoqda.

Reutersning ma’lumotiga ko‘ra, bu pozitsiya Rodrigesning NBC Newsga bergan intervyusi orqali ham tasdiqlangan. Shuningdek, Karakasda AQSH vakili Kris Raytning tashrifi davomida ushbu mavzular bo‘yicha muzokaralar faollashgani qayd etilgan.