Imomali Rahmon sog‘lig‘i haqida rasmiy ma’lumot yo‘q

Ijtimoiy tarmoqlar va ayrim norasmiy manbalarda Tojikiston prezidenti Imomali Rahmonning vafoti haqida xabarlar tarqalmoqda. Bu haqda Zamin.uz xabar berdi.

Ushbu xabarlarda davlat rahbarining sog‘lig‘i jiddiy yomonlashgani, bu holatdan mamlakat oliy rahbariyati xabardor etilgani va ba’zi davlat idoralarida favqulodda yig‘ilishlar o‘tkazilayotgani aytilmoqda. Shuningdek, ijtimoiy tarmoqlarda xavfsizlik choralari kuchaytirilgani, ko‘ngilochar tadbirlar to‘xtatilgani va ehtimoliy motam tadbirlariga tayyorgarlik ko‘rilayotgani haqida ham turli xabarlar tarqalgan.

Shu bilan birga, mazkur ma’lumotlar hozircha rasmiy tasdiqini topmagan. Rasmiy idoralar bu borada hozircha hech qanday bayonot bermagan.

Tahririyatimiz mazkur xabarlar faqat taxminiy ssenariy doirasida tarqatilayotganini eslatadi. Rasmiy ma’lumotlar e’lon qilingach, qo‘shimcha axborot taqdim etiladi.