Hindistonda turmush qurish yoshi oshmoqda
So‘nggi o‘n yil ichida Hindistonda turmush qurishning o‘rtacha yoshi 27 dan 29 ga oshgan. Bu haqda Zamin.uz xabar berdi.
Bu haqda The Tribune nashri xabar berdi. Mutaxassislarning fikriga ko‘ra, bu o‘zgarishning asosiy sabablari hayotiy zaruratlar bilan bog‘liq.
Yoshlar avvalo moliyaviy barqarorlikka erishish, karyera qurish va shaxsiy jihatdan tayyor bo‘lishni ustuvor vazifa deb bilmoqda. Erta turmush qurish o‘rniga, ular “avval oyoqqa turib olish”ni ma’qul ko‘rmoqda.
Tadqiqotlar yana bir qiziqarli holatni ochib berdi: Hindistonda ikkinchi marta turmush qurishni xohlovchilar soni ham ortib bormoqda. Agar bundan o‘n yil oldin nikoh platformalarida foydalanuvchilarning 11 foizi ikkinchi marta turmush qurishni istagan bo‘lsa, 2025 yilga kelib bu ko‘rsatkich 16 foizga yetgan.
O‘zbekistonda ham nikoh statistikasi e’tiborga molik. Milliy statistika qo‘mitasi ma’lumotlariga ko‘ra, mamlakatda turmush qurayotganlarning asosiy qismini 20–30 yosh orasidagi yoshlar tashkil etadi.
Jumladan, erkaklarning 78,7 foizi va ayollarning 53,5 foizi aynan shu yosh oralig‘ida nikohdan o‘tmoqda. Bu ko‘rsatkich yoshlarning turmush qurishga tayyorlanishida muhim bosqichlar borligini ko‘rsatadi.
