Qirg‘izistonda bir kunda uch vazir ishdan olindi
Qirg‘izistonda bir kun ichida uch nafar vazir o‘z lavozimidan ozod etildi. Bu haqda Zamin.uz xabar berdi.
16-fevral kuni Qirg‘iziston Prezidenti Sadir Japarov tomonidan tegishli farmonlar imzolandi. Mazkur qarorlarga binoan, transport va kommunikatsiyalar vaziri Absattar Sirg‘aboyev lavozimidan chetlatildi.
Ushbu vazirlik rahbari vazifasini vaqtincha bajarish Talantbek Soltobayevga topshirildi. Shuningdek, tabiiy resurslar, ekologiya va texnik nazorat vaziri Meder Mashiyev ham iste’foga chiqdi.
Uning o‘rnini vaqtincha Aqil Toktobayev egalladi. Bundan tashqari, favqulodda vaziyatlar vaziri Boobek Ajikeyev ham lavozimidan ozod qilindi.
Ushbu vazirlik rahbarligi vaqtincha Urmatbek Shamirkanovga yuklatildi. Prezident farmonlariga ko‘ra, ushbu o‘zgarishlar hukumatdagi faoliyatni yaxshilash va samaradorlikni oshirish maqsadida amalga oshirilgan.
