Tailandda yovvoyi fillar uchun vaksina qo‘llash boshlandi
Tailandda yovvoyi fillar va aholi o‘rtasida yuzaga kelayotgan xavfli vaziyatlarni kamaytirish maqsadida fillar uchun maxsus nazorat vaksinalarini qo‘llash boshlandi. Bu haqda Zamin.uz xabar berdi.
Bu haqda Euronews xabar berdi. Rasmiy ma’lumotlarga ko‘ra, 2025 yilda yovvoyi fillar sababli Tailandda 30 nafar inson halok bo‘lgan, yana 29 kishi turli darajada jarohat olgan.
Shuningdek, fillar tomonidan ekin maydonlariga zarar yetkazilishi bilan bog‘liq 2 mingdan ortiq holat qayd etilgan. Mutaxassislarning ta’kidlashicha, yovvoyi fillar soni yiliga o‘rtacha 8,2 foizga oshmoqda.
Bu ko‘rsatkich odatdagi o‘sish sur’atidan ikki barobar yuqori. Hozirda mamlakatda 4 400 ga yaqin yovvoyi fil mavjud bo‘lib, shundan 800 tasi mojarolar tez-tez kuzatiladigan hududlarda yashaydi.
Hukumat tomonidan AQShda ishlab chiqarilgan 25 doza vaksina olib kelingan va u 7 ta xonakilashtirilgan filda ikki yil davomida sinovdan o‘tkazilgan. Tajribalar ijobiy natija bergani ma’lum qilingan.
Mazkur tashabbus oziq-ovqat izlab aholi yashash hududlariga chiqib kelayotgan fillar bilan bog‘liq muammolarni bartaraf etishga qaratilgan. Bunday vaziyatlar, asosan, o‘rmonlarning kesilishi va qishloq xo‘jaligi yerlari kengayishi sabab yuzaga kelmoqda.
