Nyu-Yorkda cherkovda portlash: besh kishi jarohatlandi

AQShning Nyu-York shtatining shimoliy hududida joylashgan cherkov binolaridan birida portlash sodir bo‘ldi. Bu haqda Zamin.uz xabar berdi.

Bu haqda Associated Press axborot agentligi xabar berdi. Hodisa natijasida besh nafar inson, jumladan, voqea joyiga yetib kelgan pastor hamda o‘t o‘chirish xizmati xodimlari tan jarohati olgani ma’lum qilindi.

Ma’lumotlarga ko‘ra, jabrlanganlar orasida 43 yoshli pastor Brendon Pitts hamda yong‘in xizmatining 43 yoshdan 71 yoshgacha bo‘lgan to‘rt xodimi bor. Ularning barchasi shifoxonaga yetkazilgan.

Politsiya bergan ma’lumotga ko‘ra, jabrlanganlarning ahvoli og‘ir, biroq barqaror. Huquq-tartibot idoralari tomonidan olib borilgan dastlabki tekshiruv natijalariga ko‘ra, portlashda hech qanday noqonuniy harakat alomatlari aniqlanmagan.

Hodisaning sabablari yuzasidan qo‘shimcha surishtiruv ishlari davom etmoqda.