AQSh Yaqin Sharqqa 50 dan ortiq qiruvchi jo‘natdi

So‘nggi bir sutka ichida AQSh Yaqin Sharq mintaqasiga 50 dan ortiq qiruvchi samolyotlarni joylashtirdi. Bu haqda Zamin.uz xabar berdi.

Bu haqda “Axios” nashri xabar berdi. Manbalarga ko‘ra, mintaqaga yuborilgan samolyotlar orasida eng zamonaviy beshinchi avlod F-35 va F-22 qiruvchilari, shuningdek, ko‘p maqsadli to‘rtinchi avlod F-16 samolyotlari ham bor.

Ushbu harakat AQShning mintaqadagi harbiy hozirligini mustahkamlashga qaratilgan navbatdagi qadam hisoblanadi. Qayd etilishicha, Qo‘shma Shtatlar avvalroq ham Fors ko‘rfazi hududida o‘z harbiy ishtirokini bosqichma-bosqich kuchaytirib kelayotganini bildirgan edi.

Nashrga ko‘ra, bu kabi havo kuchlarining keng miqyosda joylashtirilishi mintaqadagi xavfsizlikni ta’minlash va ehtimoliy harbiy tahdidlarga tezkor javob berish imkoniyatlarini oshirishga yo‘naltirilgan.